A Diana di l’Alba… a « Ghjanna » di l’Alba chì apre è chjode e cunfine di a notte, a Stella Matuttina chì guida i passi di l’anticu pastore, Vennere chì affascineghja u pueta…
In giru à issu nome è à issa simbòlica, nascia un gruppu in u 1978 cù un primu dischettu l’annu dopu.
Di ferraghju 93, Diana di l’Alba ripiglia una strada nova.
À fiancu à Antonu Marielli, s’addunìscenu Ghjiseppu Ersa, Ghjuvan Lìviu Casalta, Stèfanu Perfetti è Ceccè Brunini. Esce in u 96 u dischettu « Pueta ».
Vènenu sùbbitu dopu Vitu Fuligni è Ericcu Biagetti da participà à u dischettu « Sumenti d’Acqua » in u 98.
Diana di l’Alba si primureghja di a lotta contr’à u focu rigalendu duie canzone nove à u prugettu « Machja deve campà » in u 99.
Impegnatu in a mùsica è u ballu tradiziunale, u gruppu arregistreghja in u 2001 u discu « Punt’è Taccu ».
Cù « Donna Dea » in u 2004, Diana di l’Alba cumpone un màzzulu di canti in umàgiu à a Donna.
A squatra cresce cù Jeff Giuliani, Dàvide Crucciani, Federiccu Bagnaninchi è Cristòfanu Manzoni.
U discu « Da musicà la vita » (2008) hè u fruttu d’un travagliu spartutu trà musicanti è canterini appassiunati.
In ricordu d’Alesiu Casalta, Diana di l’Alba arregistreghja dui canti in u 2010. Tutti i benefizii di a vèndita sò dati à l’assòciu « Un toit pour mes parents » chì alloghja in Marseglia i genitori di i zitelli malati.
In u frattempu, Lurenzu Filippi è Petru Gensollen rinfòrzanu a squatra di e voce basse.
Diana di l’Alba hà giratu a Corsica sana, da Cismonte à Pumonte. Ma dinù a Francia, u Paese Bascu, a Brittània, l’Itàlia, a Sardegna, l’Irlanda, u Maroccu, a Grècia, a Svìzzera…
U gruppu hà participatu dinù à parechji festivali (« Le Printemps de Bourges », « Les Tombées de la Nuit » in Rennes, « Festival de Bouche à Oreille » in Parthenay, « Festival des Hautes Terres » in Saint Flour, « Festival de Musique Sacrée » in Saint Girons, « Festivoce » in Pigna, « Les Rencontres Musicales Méditerranéennes », « Les Musicales » è « Terra è Natura » in Bastia, « Féile and Phobail » in Belfast…).
Da festighjà i so 20 anni in u 2013, Diana di l’Alba appronta un dischettu novu intitulatu « Indiature ».


Marielli Antonu

Cantadore è musicante (urganettu, sunettu), pueta è cumpunidore, à l’iniziu di u primu gruppu di u 70. U capimachja di a squatra.

Ersa Ghjiseppu

Cantadore è musicante (ghitarra, cètera, viulinu, sciarangu). U nostru « maestru » di ballu corsu !

Brunini Francescu

Cantadore, cumpunidore musicante (ghitarra, ctera, viulinu, pfana, prula). Fattore attalentatu di strumenti fiatu.

Perfetti Stfanu

Cantadore è musicante (ghitarra, sciarangu). Pueta è cumpunidore. U nostru ghitarristu « manùsciu ».

Casalta Ghjuvan Lviu

Cantadore è musicante (viulinu, viola, pìfana, pìrula, cialambella, caramusa). Pueta è cumpunidore. Face dinù i disegni di e cuprèndule per i dischetti.

Fuligni Guy

Musicante (ghitarra, manduluncellu,ctera), una passione core apertu

Biagetti Ericcu

Cantadore chì sà sunà a pìrula, u cìmbalettu è e chjocche. Una fedeltà tamanta.

Bagnaninchi Fred

Cantadore. A so voce di villutu ci face freme…

Madjidi Romain

Musicante:Battidore

Sicurani Christophe
U nostru bassone tremendu
Giuliani Jeff

Musicante (bassa), una ànima di rocker è una passione scema per u Sporting !

Crucciani Dvide

Musicante (percussione), u nostru burlascone scatinatu !

Vint'Anni Sott'à E Stelle


Cumprà u DVD
PRUSSIME SERATE

Il n'y a pour l'instant aucune date de prévue.

GALLERIA / RITRATTI


ATTUALITÀ

ULTIME GALLERIE



ASSOCIU DIANA DI L'ALBA
I Canali - 20221 Cervione
06 81 73 77 38
creazione siti internet in corsica : castalibre.com